کسانوں کے روزمرہ مسائل اور عبقری کے آسان ٹوٹکے

محترم حضرت حکیم صاحب السلام علیکم! جھنگ سے اپنے کچھ ٹوٹکے لے کر حاضر ہوا ہوں۔میرے یہ ٹوٹکے ’’کسان دوست عبقری‘‘ کے کالم میں ضرور شائع کیجئے گا۔ کیونکہ گاؤں میں اکثر لوگوں کو جانوروں کے کاٹنے کا سامنا کرنا پڑتا ہے خاص طور پر کتے کے کاٹنے کے واقعات بہت زیادہ سامنے آتے ہیں۔ یقیناً عبقری قارئین بھرپور استفادہ فرمائیں گے۔
دیوانے کتے کاٹے کی پہچان اور علاج
شہری لیبارٹری میں دیوانے کتے کے کاٹے کی پہچان فوراً ہو جاتی ہے۔ دیہات میں یہ ایک مسئلہ ہے کہ دیوانے کتے کے کاٹے کی فوری پہچان نہیں ہوتی۔ متاثرہ آدمی کا تھوڑا سا خون سرنج کے ذریعے نکالیں اور روٹی پر پھیلا کر کسی کتے کے سامنے ڈال دیں۔ کتا روٹی کھالے تو کاٹنے والا کتا دیوانہ نہیں۔ کتا روٹی سونگھ کر ہٹ جائے یا نہ کھائے تو سمجھ لو کہ متاثرہ آدمی کو کسی دیوانے کتے نے کاٹا ہے۔
دیوانہ کتے کے کاٹے کا علاج:(1)جب باجرے کا سٹہ نکلتا ہے تو کثرت سے بور لگتا ہے اسے جمع کرلیں ایک ماشہ یومیہ کے حساب سے برابروزن گڑ ملاکر گولیاں بنائیں۔ ایک گولی روزانہ پانی سے دیں۔ سات یوم روزانہ کھلانے سے مرض کے حملہ کا اندیشہ نہیں رہے گا۔آزمودہ ہے۔(2)کیکر کے پتوں کا رس تین تولے پلائیں۔ تین روز متواتر پلانے سے عمر بھر کے لیے سگ گزیدہ کے خطرے سے محفوظ ہو جائے گا اگر قے آنے لگے تو دہی بغیر نمک کے پلائیں۔
بلی کے کاٹے کا تریاق
بعض اوقات بلی کو ڈانٹا یا گھر سے بھگایا جائے تو اکثر بلی غراتے ہوئے حملہ کردیتی ہے بلی کے دانتوں میں اچھا خاصا زہریلا مادہ پایا جاتا ہے اگر کسی کو بلی کاٹ لے تو خشک پودینہ باریک کریں۔ تازہ پودینہ کے رس میں لیپ تیار کریں اور بلی کےکاٹے لگائیںانشاء اللہ آرام آجائے گا۔
آسمانی عرق !جلے ہوئے افراد کے لیے اکسیر
جب کبھی اولے پڑیں آپ انہیں اٹھاکر بوتل میں جمع کرتے جائیں چند منٹ بعد وہ پانی کی شکل اختیار کرلیں گے یہی آسمانی عرق ہے جو جلے ہوئے کے لیے اکسیر کا درجہ رکھتا ہے روئی کی پھریری تر کرکے جلی ہوئی جگہ پر لگائیں بفضلہ تعالیٰ آرام آجائے گا۔(پروفیسر(ر)غلام قادر ہراج‘ جھنگ)
جانور کے زخم میں کیڑے پڑجائیں تو یہ مرہم بنالیجئے
محترم حضرت حکیم صاحب السلام علیکم! ہم ایک گاؤں میں رہتے ہیں اور عبقری رسالہ بہت شوق سے پڑھتے ہیں۔ ’’عبقری کسان دوست‘‘ سلسلہ ہمیں بہت پسند ہے۔ اپنے کسان بھائی جنہوں نے جانور رکھے ہوئے ہیں ان کیلئے بڑے کام کی بات لایا ہوں۔ یقیناً انہیں فائدہ ہوگا۔
ہمارا گدھا بیمار ہوگیا تھا اسے کانچ لگنے کی وجہ سے بہت گہرا زخم آگیا تھا۔وقتی طور پر توجہ نہ کرنے کی وجہ سے زخم میں کیڑے پڑ گئے تھے۔ علاج کروانے کے باوجود کوئی فرق نہیں پڑ رہا تھا ۔ہمارے گھرہمارے تایا ابو آئے‘ انہوں نے گدھے کو دیکھا تو کہا کہ زخم میں کافور کی گولیاں پیس کر ڈالیں اور اوپر پٹی باندھ دیں ان شاء اللہ ٹھیک ہو جائے گا۔ ہم نے مسلسل تین دن یہ عمل کیا گدھے کا زخم بالکل ٹھیک ہوگیا۔
ٹوتھ پیسٹ سے زخم ٹھیک:ٹوتھ پیسٹ کے میں نے اکثر نقصانات پڑھے ہیںلیکن اس کا ایک فائدہ بھی ہے جو میں نے آزمایا ہے انسان ہو یا جانور ہو اگر زخم آجائے یا کٹ لگ جائے تو ٹوتھ پیسٹ کی تھوڑی سے مقدار صبح شام لگانے سے دو دن کے اندر زخم ٹھیک ہو جاتے ہیں۔(عبدالخالق، پنڈی گھیپ)